上回講昨天要搬家，今次搬了去室蘭，其實我原先是想住登別，但登別主要是溫泉酒店，就算床位旅館都唔平，所以要住遠的，勝在有個Pass交通費包埋，時間就會浪費的。而室蘭係冇旅館，只有酒店，所以今次是這旅程住的唯一一間酒店，終於有私人房住喇。以為好開心，點知相比之下這間真是好差，佢唯一好處就是近車站 三分鐘步行路程。其他就。。。相對的床位旅館，他們真係乾淨好多，有的床簡直好似新一樣，呢到又舊又唔乾淨，真係要好似消委會咁開名等大家唔好租。不過算啦，我諗你地都唔會去室蘭這地方，因為呢到冇地方好行 連食市鋪頭都唔多，只有靠超市買食物。
講番今日行情，之前講過主要會去登別，登別其實主要係溫泉區，因為佢有個活火山存在，出名有個叫“地獄谷”，又地獄谷，好似曾相識咁喎，係呀，記唔記得松本我話得三隻馬騮游水那地方，就是地獄谷囉。有了上次的陰影，去之前都冇期望。
今次這裡冇馬騮睇，但有一個出晒煙，硫磺味好重的地獄谷同一個成個湖咁大的溫泉湖叫“大湯沼”，原先仲有個話天然的足湯比人浸腳，唔知點解又關閉了，我連唯一可浸的腳都冇得玩，所以其實好快都行完。
其實仲有其他景點如熊牧場，主要睇有個牧場裡面唔知有幾多隻大熊，但門票好貴，要2590yen，亦都見冇人入去，所以我亦冇去，我都係鍾意睇叮噹裡的大雄多的，嘻嘻。比張相你地睇，就係呢隻喇，睇完你地都唔駛入去睇喇。
今日好早就收了工，所以都冇乜特別，我要睇明天的行程資料，所以要講拜拜喇。
明日繼續。。。
沒有留言:
張貼留言