Ohayo， 今早終於都抵受唔到我家姐的推介，再去朝市一次。今次冇入商場裡面，係外面的街市行了兩個圈，見到的海膽800yen一隻，似乎都合我價錢，但的長腳蟹就要3，4千，但唔知係一隻定得的腳，不過咁既價錢已超出我預算。所以最後都係找了一間鋪，即開一隻海膽，另見到佢有帆立貝BBQ，一隻只係350，又要試埋下。今次都係第一次食即開成隻海膽，你話好唔好食？我可能唔識食，我覺得冇乜味道，只有海水味同有沙，咁係咪=新鮮？
又有事發生，咁我食完埋單比錢，事頭婆同我講ありがとう ，我就回去一句どういたしまて， 佢就好開心咁找錢比我，咁點知我出門口後一路行一路數錢，發覺唔對喎，數了三次都係唔啱數，於是我諗返唔返去同佢講好呢？係呢個天使同魔鬼鬥爭之下，終於魔鬼戰勝了，呢個世界真係冇乜好人，我選擇了唔返去，因為佢找多了錢比我，我比10000，佢找9150，又來數學題，你地自己計下。所以話出來行，識番一兩隻日文，總會有的著數，哈哈。
今晚最後一晚係函館，函館第一景點就是上函館山睇夜景，0530係旅館出發，因為係附近，行20分鐘左右就到纜車站，繼續發揮半價優惠本色，上到山天仍未黑，原先諗住可以睇埋日落，但今日好多雲，太陽只出現了唔夠十秒，呢的真係叫秒殺。1903正式夜景出場，此時展望台已經企晒好多人，打針都插唔入，好難先搵到一個位企人後面，影相就要舉高過人頭上面或係兩個人頭中間伸出去先影到，於是我都係快手快腳影了幾張就算，因為講真影來影去全世界都是得一個方向係最靚，咁辛苦都係為了呢一張，大家唔好斬眼睇清楚喇。
好喇，又係時候講 おやすみなさい
明天繼續つづきます
好好味呀
回覆刪除