0615由膠囊旅館出發到新宿高速巴士車站，0700 出發去成田機場，係check in 時，要磅我背囊加埋個相機，超磅，11.5kg，空姐問我有沒有什麼可以攞出來，我話冇呀，主要都係衣服，咁我問佢咁我可以點做呀，佢好無奈找另一個同事問點，佢同事諗了一輪，就問我可唔可以著的衫上身，我話冇問題，於是就將件兩件外套一齊著，咁就減了1kg，就比我過，真攪野。
來一個數學題，我買了北海道7pass 24000yen，由東京去北海道來回港幣658，新宿去機場巴士1550yen，另新宿去機場兩個鐘，飛機去北海道又兩個鐘，又要預早兩個鐘去機場過關，係北海道機場去函館三個鐘。
另東京坐JR去函館四個鐘，但個pass得6日，要26000yen，6日可以唔連續使用，咁係咪買pass 坐JR去北海道比較低呢？無論金錢定時間 ，今次蠢咗添。
今晚我會住係近函館山附近，要由函館站坐電車入去，落車後好似去了一個死城，街又冇人。去到旅館又只得一個日女人負責，入到房得三張碌架床，又乜人都冇，心諗唔通又來，要我一個人住晒成間房，好彩晚上9點幾的人返來了，人地一家十幾人，好似包了間旅館咁，我就變了搭枱一樣。
補充：check in 完係附近有個函館公園行了一個圈 原來的人唔係街，聚晒係裡面。
今日完，明天繼續。。。
叫你家姊坐jr 去北海道
回覆刪除