Chung More: 超齡背包假期之第十七天旭川 / 小樽

2017年5月11日

今日我發揮了中國人的本色，不蝕底，賺到盡的精神，事關我個JR Pass 今日到期，於是就盡搭火車，一於計計數坐了幾多個鐘先。

1. 由室蘭搬家去小樽，連轉車坐了2：30鐘
2. 放低行李，由小樽去旭川，又坐了約2：30鐘
3. 回程，由旭川回小樽，坐了2：15鐘
總共約7個鐘15分，坐到人都懵。

坐咁耐，原先目的是去富良野，但去那處又要來回加多兩個鐘，有見及此，已經坐到呆滯，就即刻改去到旭川就算，咁這裡有什麼景點，最出名是旭川動物園，睇企鵝，但唔係冬天落雪時睇企鵝好似怪怪地咁，就好似麥嘜午飯時叫晚餐食一樣。講起又是食午餐時間，咁一於去日本出名又隱世的拉麵村Ramen Mura啦。

係旭川車站，仲要坐另一條線三個站去到南永山站落車。一落車已有一仲神秘落後的村落感覺，個車站得一間木屋。

根據Google Map話只需要行4分鐘便到，好快拉麵村就在眼前。

呢條村只有一間屋，而呢間屋就隱藏著8位拉麵師傅係到（即是有8間拉麵站）。我懷著一匡熱血，一心想得到一碗絕頂拉麵，就圍繞這8間鋪明查暗訪一下，睇下邊位師傅先係大師傅，最後見到第一位師傅裡面有眾多拜訪者，而佢又話有一碗絕世拉麵，叫“絕地拉麵”，是有緣人先可以品嘗的（即限量發售），於是我毫不猶疑就叫快來一碗吧。

睇個樣就已經覺得好絕地，好地獄的感覺，吃了第一口就覺得 ichiban 好好味呀，十足拍電視劇果的咁叫出來，好像十級火燄在口中燒咁。還有呢碗麵同普通唔同，佢冇用一片肥肉，而係一粒粒的碎肉，咬落去，好似有一種似曾相識的感覺，係乜呢？呀，是“午香肉丁”，就是我地由細食到大的“午香肉丁”，怪不之有一種令人傷心流淚的感覺啦，所以呢碗麵其實有另一個名，就係“黯然銷魂麵”喇，嘻嘻。

鏡頭一轉，就去到今晚的會住的籠屋，呢間又係非一段的籠屋，先來睇睇。