超齡背包假期之第二十七天 成田 （完了又完篇）2.0

2017年5月21日

乜尋日唔係話完結篇嗎？仲話Sayonara喎，
冇錯，原先真係完了，但詢聚要求，加上帝唔被我走（777都係咁講），我就被要求留多日啦，嘻嘻。

事原我今早應搭0635機，咁我預計是搭第一班火車0435，應該0535到機場，尚有一個鐘應該可以checkin 過關入閘上機，原來呢個如意算盤係打唔響，不過其實又冇得揀，係新宿最早一班車都是0435。

當我0535去到terminal 1,發覺terminal 1是國內機，我要立即搭轉乖巴士去intl terminal，但其實hk express confirm email 寫“羽田國際機場客運大樓 1”，咁我咪中招囉，轉到去已經是0550，跟住發覺hk express個counter closed。正在問其他航空公司的職員怎麼辦，有一位香港的男人又是同我一樣，佢話hk express已係起飛時間一個鐘前已關了，所以即使我冇去terminal 1,其實都是趕唔切。最後經過一輪的交涉，當然都係唔比我地過關啦，（這時我係咪應該打比689呢？）。乜原來會關counter嗎？這個我又冇諗過喎，那位香港人話因為hk express 係呢到冇counter，佢借完就要關了入去閘口。

簡直人數不如上帝數，沒辦法，只好搵下一班機，但hk express 一日得兩班，就是0025同0635，咁即是今日冇啦，其他航空公司都冇位，最後只有訂了明天，仲要轉去成田機場。

要這樣劃上句號，都唔知可以講乜，唯有學777話是上帝的指意啦。

2.0
大發現 : 今日坐飛機返香港時, 在日本上空比我見到的野, 一個疑似是富士山和立山, 即刻影下來, 但無從證實, 咁你們自己證實一下啦.

超齡背包假期之第二十六日 新宿 （完結篇 ）

2017年5月20日

有人叫我去池袋，話有個新出的狐狸頭蛋糕，快的試下，還掂冇乜節目就即管去睇下，於是我由新宿行了一個鐘頭，經過三個地鐵車站，便到了池袋，真係山長水遠。當時大約未夠十點鐘，商場都未開，於是走了入一間咖啡店，諗住齋坐，但坐坐下，見到人地食緊個早餐，有我最鐘意食的“好多事”，即厚多士，仲有炒滑蛋添，成個就好似大快活的超值早餐一樣，係欠了個通粉，見價錢唔太貴，只是390Yen，就忍唔住買了份來食，但其實出門口時我已經食了麵包鮮奶。

食完又坐下，等到接近11點，就去找那商場，其實都好近JR站，一入門口就已見到那間鋪仔，只係賣卡通3D頭像Food Cake，眼見只得的小妹妹圍住幫襯，我入埋去已經好異相，亦見價錢對我來講唔吸引，500Yen一個，所以草草影了兩張相便算喇。

 山長水遠來到，冇理由只係為了那幾咗公仔，咁當然搵下有乜大發現啦。

大發現：成日係不同地方都見到有間鋪叫“Book Off”， 其實佢唔止是賣書，佢有一層是賣CD同DVD，還有一部份是賣二手的，價錢最平可以100Yen，我當然要找下有冇我心愛的CD ，比我找到幾隻，於是就買下來，但買完就頭痛點樣去為個背囊減磅，如果唔係，又過唔到關喇。

晚上返回新宿食晚餐，今晚是最後一晚係呢到，唔止是新宿，亦是最後一晚係日本，因為明天一早0625要搭早機回家了，即是我個假期完結了，所以今晚食豪的。最後揀了呢間炸牛肉鋪頭，埋單1500Yen，是我單一餐來講是最貴的。

26日的假期話咁快就會，我亦都未試過可以寫足咁多日，當中有很多其實很無聊，但總算是一個回憶，多謝大家的支持，有機會再見，Sayonara。

最後再來25歲偶像的“講不出再見"

我最不忍看你 背向我轉面

要走的一刻請不必諸多眷戀

浮沉浪似人潮那會沒有思念

你我傷心到講不出再見

起齡背包假期之第二十五天 新宿

2017年5月19日

來了東京兩日，今天第三日，又要搬去新宿，基本上即是留了東京一日咁大把，因為第一日是晚上十幾點先到東京。

東京住了兩晚民宿，因為上次有210旅行基金剩餘，所以用埋佢。新宿又住番的青年旅館，瞓碌架床。例牌青年旅館都是要下午兩三點才可以Check In，所以都是放低背囊然後出外遊玩先。

今日去了淺草，由新宿都係坐地鐵去到。一出站已感受到好多人的氣勢，去到淺草寺門口更迫人，香港的女人街同黃大仙都冇咁夠多人。見到咁既形勢，我都係草草行完，影幾張相交差算了。

係淺草原來有人力車比你坐，香港就已經消失晒。

淺草站旁見到對面河有個建築物好似龍珠裡面悟空坐的筋斗雲

原來筋斗雲再過的就是晴天塔，都是所謂的十大景點之一，我沒有行去睇，只是離遠影相，因為呢的塔已睇得太多，我亦唔會再比錢上去

晚上返去新宿，點知仲多人，成條馬路兩旁都係人

小插曲：今日搬家時去到有一個燈位企行到等綠燈過馬路，咁正係到襟緊手機睇地圖，突然間我聽到我身旁“篤”一聲，好似有野跌落地下咁，於是我望下地面，見到有一篤白色的物體，再望望上面，見到有一黑色的物體，佢咪就係烏鴉囉，係到就地解決，好彩跌正身旁，真係剛剛唔夠一尺，如果唔係，就要講。。。“六合彩又唔見我中”。😂

明天繼續。。。

超齡背包假期之第二十四天 東京

2017年5月18日

東京的天氣比北海道高6，7度，今早21度，Feeling 25度，的短袖衫又可以攞番出來。

東京十大景點之一，東京鐵塔，不論以前或現在的人話未去過東京鐵塔就等於未來過東京一樣。十幾年前一家跟團來過東京，我都冇去過，依家來補番數。

未去東京鐵塔之前，先行去銀座做路人甲，銀座真係成個中環，尖沙咀區，全部名店臨立，人又多，所以都係怱怱行過就算。

做完路人甲，就繼續去目的地，行多二三十分鐘，就到達了這個十大景點之一。從下面望上去，的確好高，資料話有333M高，要上最高的展望台，就要成為2900Yen，今次沒有優惠，所以冇上去，唯有係地下影多幾張相。

全世界都影個等邊三角形，我就比一個L形你地睇，不過你地都係唔識欣賞喇。😚

睇完呢個十大景點，下一個就去另一個十大景點，皇宮外苑，顧名思義，就係皇宮核心的外圍。

大發現：未去到皇宮外苑，路過見到有個路牌寫住“NHK放送博物館”，於是走入去八卦一下，裡面是介紹日本廣播歷史，有好多經典的器材及電器如成坐山咁大的電視機 ，仲有個8K Theater，今日就冇8K片播，就播了一套由一位1940只得6歲的童星（我就諗起馮寶寶），依家應該八十一歲的資深女藝人（依家個樣好似黃夏蕙）講解佢當時至現在的廣播歷史，其實我唔知佢講乜，都係斷估冇痛苦啦。另有一層就展示NHK電台的新聞節目錄影室，你還可以假扮新聞報導員做OnAir節目，好好玩。仲有仲有好多講唔晒，你地都係自己去親身感受下啦，呢個係我既十大景點之一。

玩完又繼續行，又行多十幾二十分鐘就到，原來平日一至五唔開，只得外圍，冇得去核心既內圍，即睇唔到皇宮，想見下日皇都唔得添。根據地圖指示，只可以係城門河畔環繞一圈，不過我行了半圈就冇行了，但沿途好多人係到環繞皇宮跑步。

今日行程總算豐富，還有些意外收穫，開初都諗住東京都冇乜地方好去，的人來Shopping為主，但原來只要慢慢觀賞，都有不一樣的感覺。正如我25歲偶像最新大碟“欣賞”一樣 ，都是值得欣賞，得閒買隻碟來聽下，總有好野發現。😉

明天繼續。。。

超齡背包假期之第二十三天 東京

2017年5月17日

今日札幌4日3夜又完了，最後一日的札幌竟然大放天晴，氣溫更回升至15度。趁住黃昏機，還有半日時間，就係札幌的街頭探訪下，睇下有冇的大發現。

再次由薄野行到札幌車站，今次唔行地下，係地面搜索，之前沒有行完的狸小路，今次行埋頭4節，即是狸小路1，2，3，4。其實狸小路只是購物，飲食的商店街，所以對我來講都沒有特別興趣。

最後行到札幌站的JR Tower， 10樓有個拉麵共和國，咁就即管上去睇下，臨走之前幫襯下啦。其實睇落都ok，應該都好味道，但由於時間尚早，未到午飯時候，於是諗住再行下先，轉頭返來幫襯。

點知行了去另一幢大廈，有一層又是食市，見到有一間的义燒飯（燒豚肉）好似好正咁，於是忍唔住幫襯了，果然冇失望，另價錢仲好特別，777日元細碗。

食完要趕快返去攞行李去機場，1840起飛，2020就已經去到東京了，但係機場都坐了三個鐘，因為要預早去到。所以下次都係搭JR好的。


去到住宿又已經接近11點，所以今日的行程都係坐飛機坐車。

眼瞓了，明天繼續。。。

超齡背包假期之第二十二日 札幌

2017年5月16日

今早天氣回暖了，約14度，最重要風細了，冇風就冇咁凍，出門口時天陰，預計遲些都會落雨。

今日又去十大景點之一，北海道開拓之村，顧名思義是展示日本歷史建築，主要是話於日本明治及大正時期（即19世紀中，20世紀初）的建築物按照原型復原出來。

睇了兩日公園，今日睇下的歷史文物，都冇咁悶呀。入場費成人800yen，好彩我又有得免費入場，根據佢指南裡面有52間建築物，如有的是新聞館，醫療室，郵局，髮型屋，住宅，魚村等，各俱等式，有些屋還有真人講解，可惜我唔識聽。

由於越行就越大雨，只是好快行了一個圈就走了，下次好天其實可以慢慢睇。呢個真係值得推介，不過發覺入去睇的全部都是7，80歲的老人家，唔想認老，就諗諗喇，咁我仲係咪25歲呢？

尋日講了大通公園今日開始有個拉麵節，咁難得撞到就一定去睇之餘仲食啦，佢分二期舉行，每次有9間拉麵鋪參與，一律800yen一碗，我約下午6點幾去到，眼見唔係好多人，目測約一百左右，可能本地人都食到厭，冇興趣，其實佢又唔係平好多，亦唔會話有乜特色拉麵同佢地鋪平時賣的不同，本地人來都是聯誼性質多，明天開始係隔離亦有個啤酒節，我諗呢個可能會多人的，不過我就冇得參加喇，因為明天要離開札幌了，又去邊，咪又係聽日話你知囉。

另加插幾張大通公園夜景比大家睇下

大發現：我住薄野Susukino地鐵車站附近，地鐵站有一條地下街，原來呢條地下街灌通通兩個地鐵車站，大通Odori 同札幌Sapporo，甚至可到JR 札幌，非常之長，我計過由薄野到札幌地鐵約30分鐘，到JR札幌加多5分鐘。沿途除了有店鋪之外，都有的休息地方，打風落雨真係冇有怕，香港其實要諗下呢的地下街去疏道地面擠迫的情況啦。

小插曲：係洞爺湖時撞到一對星加玻情侶，估唔到係拉麵節又撞到佢地，世界真係細，佢地話明天離開札幌返星加玻，我話我都係不過就去第二到，有緣再見。



明天繼續。。。