2017年5月13日
今天來一個漫遊小樽，是漫無目的漫，又是超慢超Hea的慢。
首先行入小樽都通，經過一間酒店，有一間麵包鋪，被我發現了有一款“綠色（抹茶）菠蘿包，咁有乜咁特別呢，我係外國包括日本及歐洲，第一次見到港式的菠蘿包，外形完全一樣，佢仲特別，用抹茶來做面，其他的名就叫菠蘿包，但外形完全不同香港的。
過了小樽都通，經過昔日的一條舊鐵路，先有幾棵櫻花樹，依然開得好茂盛
再有幾張長櫈好特色，佢櫈背是有幾幅刻畫，畫是由十歲左右的小童畫的，全部都是同火車有關
坐了一陣，再繼續向小樽運河南面方向行，經過一條街道，頭幾橦建築物已經好吸引，先是一間做玻璃的藝術品，你還可以親手去學吹玻璃，當然要付費啦。
再有一間賣音樂盒，裡面有好多不同大細款式的音樂盒，令我又諗起我25歲偶像當年風魔香港的一個音樂盒，“登登，登，登登”，來自一套戲的主曲，想找竟然找不到，但楊千嬅，Eason都有，極之失望，想當年話晒是全球男華人第一個可以參加第四十屆紅白歌唱大賽，真是前冇古人，至今亦後冇來者麻，咁冇都冇辦法。
其實整條街都有好多玻璃鋪，音樂盒鋪，可以行你一朝或下午，行完亦有很多食市。
我去了一間細店鋪並叫了一個海鮮丼，只得三文魚及海膽，叫完先醒起袁教授叫人唔好係日本食生食物，即刻好驚，食晒之後仲驚，如果我有乜事，請大家幫我報仇，呀唔係，係報警，認住呢間鋪。
講咗咁耐，究竟呢條係乜街呢？咪係“堺町本通”
晚上再勇闖“天狗山”，影晚景，不用介紹咁多，自己睇相啦。
今晚最後一晚係小樽，影完夜景，趕返去食最後一晚的免費拉麵，超多人，又爆棚。
明天我地又係新地方見喇，拜拜。
明日繼續。。。
找人幫報仇
回覆刪除