今早臨離開函館之前，去了大沼公園行一趟。開初只以為是一般公園冇分別，因為之前我冇計劃去呢到，只不過見有時間去行下。係大沼公園站落車，公園就係對面馬路，其實佢係一個好大個湖，好似富士山河口湖咁，你可以環繞湖行一圈。唔行可以踩單車，有兩間單車公司可租，於是我問了其中一間，一日價錢1000yen，比河口湖平500。但因為我要趕返去check out， 我只可以留兩個鐘，老闆好好人，話打個8折比我，仲比了張地圖教我點去，邊到可以停，有什麼景點。咁即刻比錢揀車去馬。
基本上是環繞湖一個圈，但呢條路線容易踩好多，相對河口湖，路面比較平坦，大部份都有行人路可踩，就算踩馬路佢比單車行的路徑比河口湖闊，再加上冇乜車行，只係有一段小斜路比較長，會踩得辛苦的。的風景一樣好正，有山有湖景，不過唔係富士山。真係冇難度，最多一星半級啦，河口湖大慨是三星，相對難好多。
提提大家 ，係呢到踩單車有一樣千奇唔好做，好危險呀，就係唔好一路踩一路張開個口，或唱歌，因為好多蚊一隻一隻，都唔係一隻一隻，係一堆撲向你面，你張開口就會中招，唔好話我冇提醒你。 喇 喇 喇，我唔係中咗招先提你地架，你地唔駛咁諗。
最後1小時40分完成，又創自己紀錄喇。
租單車時老闆比了張雪糕50yen discount 劵，佢話係隔離間鋪可以買。咁踩完就去睇下有乜雪糕食，原來間鋪都係老闆，佢真係識做生意。見到有隻墨魚味的雪糕，就買來試試，其實冇墨魚味，只係整色整水咁。
4日3夜函館行又完了，函館都是好香港人會到的地方，所以隨街你都會遇上。但函館比我最深印象都是五陵角公園裡滿地都是櫻花，而剛巧又是盛開的日子，真是特別值得欣賞。函館山的夜景反而我覺得一段，香港上太平山睇維港的夜景都是一樣，同麻實在太多人，好難可以靜心欣賞。
又要搬家了，依家好似遊牧民族咁，搬去邊？明白話你知，さようなら。
明天繼續。。。
甜美墨魚
回覆刪除