0630瞓醒了冇事做，又走出街上留下腳毛，亦看看富士的清晨如何，原來有些位置都可以遠望富士山。
0945 從富士出發去河口湖，Takashi San 話中途有一個花展，值得去睇一睇，又聽佢點一次喇。
我講睇下我影的相，唔係叫你地來睇呀。
好，睇住咁多先，因為呢個Blog係手機 upload 相係好麻煩，經常low memory成日死，我又要重新做過。
睇完就搭巴士去河口湖，你睇下我坐什麼位置？
我坐係第一行中間的位置呀，我覺得好似超載咁，係司機旁仲坐到了一個鬼婆，真係坐到盡呀。
1350 終於到了河口湖，落車後行了十幾二十分鐘先到了間旅館，依家真係覺得個背囊越來越重，都唔知有乜辦法可以減磅，亦都唔知點解當初揀呢間旅館，我明明記得當時睇地圖時好似是行十分鐘左右。
呢間旅館都好大，兩層都有好多房，佢個廚房同食飯地方都可以容納好多人。
我都係住的籠屋，不過呢到的籠屋就冇電視同電腦喇。
1435 check in 執完行李，就去河口湖出發，河口湖是富士山五湖之一，我今次目標是超碼去河口湖及西湖兩處地方。今天應該唔夠時間遊河口湖一周，之前我家姐話可以搭船遊湖。唔記得講，原來我家姐比我早一日來到日本，不過佢係南邊鹿兒島。
坐船又有另一番感覺，好似同富士山又近一點啊
1800 坐完船，見差不多日落，於是搵個位坐係到等日落。
可能比個山擋住，未能見到佢接近水平線同咸蛋黃的太陽，有點失望。
買了兩個壽司及香蕉，係旅館個大廳開餐，坐了成晚，點解冇人來同我傾計？乜唔係住呢到的人好鍾意找人傾嗎？等我變了一個坐冷板凳的傻佬一樣，嘻嘻。
今日完，明天繼續。。。
好美麗富士山,多謝你
回覆刪除