0655 今日踩單車之前來過熱身先，順便留下我珍貴的腳毛。
清晨的松本，街道上都是沒有太多人，感覺舒服寧靜。
0900 今天雖然沒有離開松本這個城市，但是活動仍然繁忙，首先我租借了一架單車，原來松本是有免費借單車服務，仲可以玩成日，朝9晚5，又唔駛按金，只要填一張表格就可。
松本市都好鼓勵人踩單車，我係幾條街都見有單車停車場，規模同汽車有得比，仲要有上下層，裡面泊了唔少單車，我見門口寫住有月租添呀。不過係街上其實又唔多單車係到踩緊，可能唔係繁忙時間掛。
行人道的設計同日本好多城市都一樣，劃分了一面比單車行的，不過我見的人兩面都有踩過。除了係火車站，一般都是冇乜人，真係小貓三四隻，同之前我去鹿兒島有的似。所以就可以好輕鬆咁踩住周圍去 ，而馬路上亦唔多車，同埋佢地的車速好慢，其實唔知呢的叫慢或是正常，只係香港個個都是賽車手。
9：00 一開始第一個就借了架單車，為了熟習街道，先去幾條街之隔的松本城 ，亦因為今日第二個活動，約了屋主同其他住客去睇槍Show，佢地話是一年一度的什麼“古流炮。。。”展咁，詳情可睇張圖的海報。
11：00 一個司儀出來，先講一輪說話，當然我唔會知佢講乜啦，跟住就來正式表演。先來一個人 攞住支真係好舊式的長槍，仲要用支野擦下槍管，睇怕似二戰時期的產品，跟住司儀一聲號令，Bomb一聲，好嚮好震撼，跟住仲勁，連續幾個人一齊發射。轟隆轟隆，耳膜都差的比佢震聾。如此類推，就表演了接近一個鐘便完，如想睇就要明年喇。
睇完就繼續我的單車之旅，暢遊這個城市。
花時計公園
松本城的日與夜
時計博物館
開智小學校舍
呢個唔係景點，只係得意影下來
今晚最後一晚，返到屋又見到一位新室友，今次終於唔係鬼，係泰國人，不過佢的英文好得，好流利。明天又有新行程，我的原先計劃又被人推番了。乜行情咁特別，明天再講啦。
今日完，明天繼續。。。
出來玩.有好節目,比人推真幸運
回覆刪除